Afrobass

Afrobass har groovebasert musikk inspirert av afrobeat, jazz, soul og vestafrikanske rytmar. Bandet er kjent for energiske konsertar der sterke melodiar, drivande rytmar og improvisasjon skaper ei levande oppleving for publikum.

Afrobass samlar musikarar frå den norske jazz- og improvisasjonsscena: Kouame Sereba (vokal, kalimba og perkusjon), Oddrun Lilja (gitar), Heidi Kvelvane (saksofon), Vegard Holum (trompet og elektronikk), Kenneth Kapstad (trommer) og Lars Martin Vik (bass og komposisjonar). Etter ein svært vellukka konsert under Flerkulturelle Molde tidlegare i år vender bandet tilbake til byen med nytt materiale og musikk frå den komande plateinnspelinga.
Velkomen til ein kveld med groove, speleglede og musikalske møte på tvers av sjangrar og kulturar.

Kveldens besetning:

• Lars Martin Vik - bass
• Kenneth Kapstad - trommer
• Oddrun Lilja Jonsdottir - gitar
• Kouambe Sereba – perkusjon og vokal
• Vegard Holum - trompet
• Heidi Kvelvane – saksofon